काठमाण्डू, २९ अगहनः राष्ट्रिय विपद जोखिम न्यूनीकरण तथा व्यवस्थापन प्राधिकरणके अनुसार शैनदिन भोर १० बजेसँ रैबदिन भोरधैर देशभैर जमा २५ टा विपद्जन्य घटना भेल अइछ । ओइमध्ये सबसँ बेसी २२ टा घटना आइगलगीके अइछ ।
बिजुली सर्ट भ क, असावधानी एवम् जनचेतनाके अभावमे तहिना खाना बनाबैबला ग्यासके कारण आइगलगी भेल प्राधिकरणके विवरणमे उल्लेख अइछ । रौतहटमे तीन, पाँचथर, झापा, कास्की आ स्याङजाके दू/दू स्थानमे आइगलगीके घटना भेल अइछ ।
मोरङ, भोजपुर, उदयपुर, सर्लाही, काठमाण्डू, स्याङजा, रुपन्देही, दाङ, अछाम आ दार्चुलाके एक/एक स्थानमे आइगलगीके घटना भेल अइछ ।
प्राधिकरणके अनुसार काठमाण्डूके दक्षिणकाली नगरपालिका–५ पूरान दक्षिणकाली जंगलमे आइगलगी भेल छल । इलाका प्रहरी कार्यालय फर्पिङ टोली आ स्थानीयके सहयोगमे आइग नियन्त्रणमे लेने छल । पाल्पामे भुस्खलन, मोरङके दू स्थानमे जंगली हात्तीके आक्रमणके घटना भेल अइछ । मोरङके सुन्दरहरैचा नगरपालिका १२ मे हात्तीके आक्रमणसँ एक गोटेक मृत्यु भेल अइछ ।
विपद्मे एक गोटेके मृत्यु आ चाइर गोटे घायल भेल अइछ । विपद्जन्य घटनाके कारण जमा ७२ लाख ९ सओ टका बराबरके क्षति भेल अनुमान कएल गेल अइछ । (रासस)
